ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
به‌یان نامه‌و راگه‌یاندن
پەیامی یەکێتیی دیموکراتی کوردستان بە بۆنەی هاتنی ساڵی نوێی زایینی
یەکێتیی دیموکراتی کوردستان
31 / 12 / 2019
پەیامی یەکێتیی دیموکراتی کوردستان بە بۆنەی هاتنی ساڵی نوێی زایینی  
ساڵی ٢٠٢٠ لە کاتێکدا دەست پێ دەکات کە ڕۆژهەڵاتی ناوین وەک دەیەکانی ڕابردوو، لە کێشە و ململانێ سیاسی و ئایینی و نەتەوەیی و بەرژەوەندی ئایینی و ناکۆکیە ژیئۆپۆلیتیکیەکان دەکوڵێت، هێشتا کێشەکانی ناوچەکە بە گشتی ئاسۆیەکی ڕوونی چارەسەرییان پێوە دیار نیە و لەم نێوەندەشدا پرسی کورد وەک پرسێکی سەرەکی لە ناوچەکە بە بێ چارەسەرییەکی بنەمایی ماوەتەوە و هەڵوێستی وڵاتانی ناوچەکە و جیهانیش بەرانبەر بە مافی کورد، پێشێلکارانەیە و وڵاتانی داگیرکەری کوردستانیش بە بێ ڕەوشتانەترین شێوە وڵامی داخوازیە ڕەواکانی کورد دەدەنەوە و چارەسەری ئاشتیانەی پرسی کورد هێشتا لە لایەن ئەوانەوە قەبووڵ نەکراوە، ئەوە لە کاتێکدایە کە پرسی کورد لە ئاستی ناوچەیی و جیهانیدا گەشەی کردووە و دۆزی ڕەوای کورد لە ئاستی ڕای گشتی کۆمەڵگەی نێونەتەوەییشدا بووەتە جێگای ڕامان و هاوسۆزیی فراوان.
ساڵی ٢٠٢٠ ساڵی بەردەوامی هەموو ئەو کێشە و ململانێ ناوچەیی و جیهانیانە دەبێت کە لە ئێستادا بەردەوامە و ئاڵوگٶڕی بەردەوام لە ناوچەکە و جیهان ڕوو دەدات و گەلی کورد دەبێ خۆی یەکگرتووتر بکات و لە ئاستی بەرپرسیارێتیە مێژووییەکانی دابێت کە بتوانێت زیاتر لە هەمیشە لە خواست و مافە ڕەواکانی نێزیکتر ببێتەوە و لەو پێناوەشدا ئەرکی هێزە سیاسیەکان و ڕووناکبیر و چالاکانی بوارە جیاوازەکان گرینگ و چارەنووس ساز و زیاترە.
وەک یەکێتیی دیموکراتی کوردستان، سەرەڕای هەموو کەند و کۆسپ و بەربەستەکان ، بەردەوام دەبین لە خەبات بۆ گەلەکەمان و باوەڕمان وایە کە داهاتوو بۆ کورد، داهاتوویەکی ڕووناک و هیوابەخشە، باوەڕمان وایە کە سەدەی بیست و یەک، سەدەی کورد و گەشە سەندنیەتی، گەلێک قۆناغی گرینگ بۆ گەیشتن بە ئامانجەکانی کورد بڕدراوە و ئاسۆی هیوای کورد ڕوونە.
لە کۆتاییدا وەک یەکێتیی دیموکراتی کوردستان، ساڵی نوێی زایینی لە گەلەکەمان لە هەر چوارپارچەی کوردستان و کوردستانیانی خۆشەویست و هەموو هێزە سیاسیەکانی کوردستان پیرۆز دەکەین و ئاواتە خوازین کە دیموکراسی و ئاشتی و ئازادی و سەقامگیری ئاسایش لە ناوچەکە و کوردستان بەدی بێت و گەلی کوردیش بگات بە مافە ڕەواکانی.
بە هیوای ئاشتی و ئازادی، ساڵی نوێی زایینیتان پیرۆز بێت.
یەکێتیی دیموکراتی کوردستان
٣١/١٢/٢٠١٩



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
به‌یان نامه‌و راگه‌یاندن
پەیامی پیرۆزبایی پانزەهەمین ساڵیادی دامەزراندنی یەکێتیی دیموکراتی کوردستان
بەیاننامەی یەکێتیی دیموکراتی کوردستان سەبارەت بە ڕۆژی جیهانی زمانی دایکی
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی