ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
به‌یان نامه‌و راگه‌یاندن
بەیاننامەی شانزەهەمین ساڵیادی دامەزراندنی یەکێتیی دیموکراتی کوردستان
یەکێتیی دیموکراتی کوردستان
19 / 5 / 2021

خەڵکی خۆشەویستی کوردستان

حیزب و چالاکانی سیاسی

ئەندامان و لایەنگرانی یەکێتییەکەمان

یەکێتیی دیموکراتی کوردستان ڕۆژی ٢٠ی مەی بەرابەر بە رۆژی ٣٠ گوڵان(اردیبهشت) ساڵرۆژی دامەزراندنیەتی و ئەم ساڵ شانزدەهەمین ساڵیادی دامەزراندنی خۆی تێدەپەڕێنێت. هەر لە سەرەتای دامەزراندنەوە تا ڕۆژی ئەمڕۆ پابەندی بەڵێنەکانی خۆمان بووین بۆ بەردەوام بوون لە خەباتی سیاسی و بە هەمان گڕ و تینی یەکسانی خوازی و ئازادیخوازی و باوەرمەند بە دیموکراسی و دابینکردنی مافی نەتەوایەتی گەلەکەمان، هەروەک چۆن هەموولایەک ئاگادارین کە سەدەی بیست و یەکەم، سەدەی تێپەڕاندنی ئەو چەمکە کۆنانەی سیاسەت و دەسەڵاتداریە و مرۆڤی سەدەی بیست و یەکەم، پێویستی بە ڕێکخراوی نوێ و هزری نوێ و ڕێکخستنی نوێ هەیە، یەکێتیی دیموکراتی کوردستان بە هەست کردن بە گۆڕانکارییە بنەڕەتیەکان لە سەرەتای سەدەی نوێدا خۆی ڕێکخست و لە سەر هەمان هێڵی واقیعگرایانەی سیاسەت، هەنگاوی ناوە و هەوڵی ئەوەی داوە کە ڕوونەکەرەوەی مەترسیەکانی سەر ڕێگای خەباتی نەتەوایەتی و دیموکراسی و فرەچەشنی بێت.

ناوچەی ڕۆژهەڵاتی ناوەڕاست بە دەستپێکردنی سەدەی نوێ، ئاوسی گۆڕانکاری گەورە و ڕووداوی گەورە بوو، کۆمەڵێک دەسەڵات کە لە سەر بنەمای هاوکێشەکان و هزر و باوەڕەکانی سەدەی ڕابردوو دامەزرابوون سپێردران بە مێژوو، لە ئێستاشدا ناوچەکە لە نێوان ململانێی هێزە ناوچەیی و جیهانیەکان، لە ژێر سەپاندنی ئیرادە و داڕشتنەوەی نەخشەی جیۆپۆلێتیکی و حەوزەی بڕشتی سیاسی و ئەمنی و کلتووری و ئابووری دایە و ئێمە وەک کورد بەگشتی لە هەموو پارچەکانی کوردستان لە چەقی ئەو سەپاندنی ئیرادە و دیزاین کردنە نوێیە داین، هەر بۆیە باوەڕمان وایە کە بۆ سەپاندنی ئیرادەی کورد و مانەوەمان لە بەردەم هەڕەشەکان لەم ململانێگەلەدا، پێویستمان بە هاودەنگی و هاوهەڵوێستی و یەکێتیی نەتوەیی و خۆڕێکخستنەوەی نێوماڵ کوردی هەیە، لە نێو هاوکێشەکانی ناوچەکە، هەوڵی لاوازکردنی کورد و سڕینەوەی شووناس و داگیرکاریی نوێ لە ئارادایە، هەر بۆیە وەک یەکێتیی دیموکراتی کوردستان هەمیشە لە گەڵ هاودەنگی و هاوهەڵوێستی گەلەکەمان بووین.

کۆماری ئیسلامی ئێران وەک یەکێک لە هێزە دەسەڵاتدارەکانی ناوچەکە، لە نێو ئەم هاوکێشانەی ناوچەکەدا، ڕۆڵێکی زۆر خراپ و دژە مرۆڤانە و دژە کوردانە دەگێڕێت و وەک دەوڵەتێکی ئاژاوەگێڕ دەستی وەرداوەتە زۆرێک لە وڵاتانی ناوچەکە و لە دۆخی نالەباری ئەو وڵاتانە، کەڵکاژۆیی خۆی وەردەگرێت، بەڵام دۆخی ناوخۆیی ئێران بۆ خۆی، لە دۆخێکی قەیراناوی دایە و شیرازەی کۆمەڵایەتی و ئابووری و کلتووریی گەلانی ئێرانی تەواو تێکداوە و بە سیاسەتێکی ناوەندگرایانەی ئەمنی و سەربازییەوە، بە ئابوورییەکی هەڵوەشاوەی پڕ لە گەندەڵیەوە، بە کلتوورێکی شپرزەی گاڵتەجاڕییەوە، بووە بە دەسەڵاتێکی پڕ لە شکست و سەرشۆڕی بۆ گەلانی ئێران و خەڵکی ئێرانی بە گشتی تووشی نەهامەتی و قەیرنی جۆراوجۆر کردووە و هەمووجۆرە ژینگەیەکی سیاسی و ئەمنی و ئابووری و کلتووری و سرووشتیی ئێرانی تێکداوە.

لە ساڵیادی شانزەهەمین ساڵی دامەزراندنی یەکێتی دیموکراتی کوردستان، وێڕای پێداگری لە سەر ستراتیژی سیاسی و کار و خەباتی سیاسیمان، پێداگرین لە سەر گەیشتن بە ئامانجە نەتەوەییەکانمان و بەردەوام دەبین لە کار و خەباتمان بە گڕ و تینێکی فراوانتر لە هەلوومەرجێکی جیهانیدا کە گۆڕانکاریی فراوانی سیاسی و کلتووریی تێدا ڕوو دەدات و ئەم ساڵیادە لە خۆمان و هەموو هاودید و هەڤاڵان و گەلەکەمان پیرۆز دەکەین و هیواخوازی گەیشتن بە ئاوات و ئامانجە ڕەواکانی نەتەوەکەمانین.

پیرۆز بێت ساڵیادی دامەزراندنی یەکێتیی دیموکراتی کوردستان

کۆئۆردیناسیۆنی یەکێتیی دیموکراتی کوردستان

١٩/٥/٢٠٢١




بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
به‌یان نامه‌و راگه‌یاندن
اِعلامیه اِتحادیه دمکراتیک کوردستان در رابطه با اِنتخابات ریاست جمهوری در ایران
بەیاننامەی شانزەهەمین ساڵیادی دامەزراندنی یەکێتیی دیموکراتی کوردستان
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی