ده‌سپێک l مقالات l هه‌واڵ l به‌یاننامه‌ و ڕاگه‌یاندن l سکرتێری گشتی l چاوپێکه‌وتن و وتووێژ l چاند و هونه‌ر l به‌رنامه‌ و په‌یڕه‌و l برنامه‌ و اساسنامه
ووتاری کوردی
پەیامی پیرۆزبایی پانزەهەمین ساڵیادی دامەزراندنی یەکێتیی دیموکراتی کوردستان
یەکێتیی دیموکراتی کوردستان
19 / 5 / 2020

• هاونیشتمانیانی خۆشەویست

چالاکانی سیاسی و حیزب و لایەنە سیاسیەکانی کوردستان

ڕووناكبیران و چالاكانی مەدەنی و مافی مرۆڤی كورد لە ڕۆژهەڵاتی كوردستان

ئەندامان و لایەنگرانی خۆشەویستی یەكێتییەكەمان

ڕێکخراوی سیاسی یەکێتیی دیموکراتی کوردستان،٣٠ی گوڵانی هەتاوی، بەرانبەر بە ٢٠ی مانگی مایسی( مەی) زایینی، ساڵڕۆژی دامەزراندنیەتی و پانزەهەمین ساڵی دامەزراندنی خۆی تێدەپەڕێنێت و لەماوەی تێپەڕینی ئەو ساڵانەی دوای دامەزراندنی ڕێکخراوەکەماندا، بە ڕوونی سیاسەتەکانی خۆمانمان دەستنیشان و بە پراتیک کردووە و هاوئاهەنگ لە گەڵ گەشەی شارستانیەتی دیموکراتیک، بنەما فیکرییەکانی خۆمانمان ڕێکخستووە و وەک پرەنسیب، لەگەڵ ڕەوتی گۆڕانکارییە جیهانی و فیکری و ئایدیا یەکسانیخواز و دادپەروەرانە و مرۆڤتەوەرەکاندا بووین و بە پێی ڕەوتی ڕانەوەستاوەی فیکری و سیاسی و گەشەی زانست و زانیاری مرۆڤایەتی لەم سەردەمەدا، بناغەی فیکری و کاری سیاسی خۆمانمان بۆ ڕزگاری گەلەکەمان و ڕیزنان لە بەها مرۆییەکانمان تەرخانکردووە و بە پێی هەلی ڕەخساو بۆ خەباتمان ، هەوڵی گەیشتن بە ئامانجەکانمان داوە.

هاونیشتمانیانی خۆشەویست، گەلی کورد دەیان ساڵە خەباتێکی بەردەوام دەکات بۆ بەدەست هێنانی مافە ڕەواکانی کە بە ناڕەوا لێی زەوت کراوە و وەک نەتەوە یەخسیر و وەک نیشتمان داگیر و لە چەند پارچەدا دابەش کراوە، بۆ هەموو تاکێکی کورد ئەوە ڕوونە کە گەرچی ڕێگایەکی درێژ و پڕ لە قوربانی بڕدراوە بۆ گەیشتن بە ئامانجەکانمان، بەڵام هێشتا لە سەرەتای ڕێگای ڕزگاری نەتەوەیی داین و دەبێ لە خەباتێکی بەردەوامدا بین بۆ گەیشتن بە ئامانجەکانمان و وەک یەکێتی دیموکراتی کوردستان لەو بڕوایە داین کە خەبات بۆ دەستخستنی مافە ڕەواکانی نەتەوەکەمان ئەرکی هەموو ڕێکخراوەکان و تایبەت کۆمەڵانی خەڵکی کوردستانە و دەبێ هەموو ڕێگایەکی سیاسی و بیردۆزێک بۆ چارەسەری ڕزگاری لە داگیرکاریی نەتەوەییمان بگرینە بەر.

کۆماری ئیسلامی ئێران وەک دەسەڵاتێکی ئایینی بە ناوکێکی دەوڵەت نەتەوە وەک دەوڵەت نەتەوە داگیرکەرەکانی تری کوردستان، بە سیاسەتێکی تایبەتی قڕکردنی گەلی کورد، هاوهەنگاو لە گەڵ سیاسەتی ئاسیمیلاسیۆنی ئەتنیکی و زمانی، سیاسەتی برسی کردن و دەستەمۆ کردن و دواجار بەکۆیلەکردنی مرۆڤی کوردی کردووەتە ئامانجی سیاسەتە نگریسەکانی خۆی.

پێویستە لە سەر هاونیشتمانیانی کوردستان و گەلەکەمان لە ڕۆژهەڵاتی کوردستان، لە بەرانبەر سیاسەتی داگیرکەراندا بەئاگا بێنەوە و ئەرکی مێژووی و نەتەوەیی خۆیان بەجێبهێنن و هاوکات بە خۆڕێکخستن لە ڕێکخراوە سیاسیەکانی کوردستان، سیاسەتی بەگژداچوونەوەی سیاسەتی داگیرکاری و کۆیلەکردن و ئاسیمیلە کردن بگرنە بەر.

ئێمە وەک یەکێتیی دیموکراتی کوردستان، لە دۆخێکی هەستیاری مێژوییدا دامەزراین و خۆمانمان وەک ڕێکخراوێکی سیاسی بۆ ڕزگاری و ئازادی و چەسپاندنی دیموکراسی و دادپەروەی ڕێکخستووە و ژیانی خۆمانمان بۆ گەیشتن بەو ئامانجە تەرخان کردووە و ئامادەیی خۆمانمان بۆ قوربانیدان لەو ڕێگایەدا دەربڕیوە و ڕیزمان لە ڕوانگە جیاوازەکان بۆ چارەسەری پرسی کورد گرتووە و هەمیشە داواکاریمان هاوهەڵوێستی و یەکگوتاری نەتەوەیی بوویین لە گەڵ لایەنە سیاسیەکانی کوردستان و ڕێکخراوە سیاسیەکانی سەر گۆڕەپانی سیاسی لە ڕۆژهەڵاتی کوردستان بۆ گەیشتن بە ئەنجامی چارەسەریی پرسی نەتەوەییمان لە ئێراندا.

لە ڕاستای چارەسەری پرسی نەتەوەیی کورد لە ئێران و بەگژداچوونەوەی سیاسەتەکانی کۆماری ئیسلامی، یەکێتیی دیموکراتی کوردستان ڕوانگەی تایبەت بە خۆی هەبووە لە کاری سیاسی و چالاکیەکانی خۆیدا و بەشێک لە دیدی و بۆچوونەکانی بریتی بوون لە:

- ڕەتکردنەوەی ناوەندگرایی و سەپاندنی دەسەڵاتی یەکدەستی ناوەندی بە سەر هەموو ئێران

- بەشداریی سیاسی ڕاستەقینەی نەتەوەکانی ئێران لە بەڕێوەبردنی کۆی سیستەمی سیاسی

- ڕەتکردنەوەی سیاسەتی ئاسیمیلەی کلتووری نەتەوەکانی ئێران و گۆڕینی زمان و شوناسیان و بەرپەرچدانەوە و هەڵچنینی سیاسەتی دەوڵەت نەتەوەسازی لە ئێران.

- لابردن و پەرێزگرتن لە سیاسەتی ئەمنیەتی کردنی کوردستان و بیانوو هێنانەوە بۆ سەرمایەگوزاری نەکردن لە کوردستان و تاڵان کردنی سامانی کوردستان

- ڕەتکردنەوەی هەرجۆرە سیاسەتێکی ئابووریە کە ببێتە هۆی ناعەدالەتیی جوگرافیایی و نایەکسانیی گەشەکردن لە هەمووی ئێراندا

- ڕەتکردنەوەی هەموو جۆرە سیاسەتێکی دینی و ئایدئۆلۆژیکی لە ئێران دەبێت و خوازیاری سیستەمێکی سیکۆلار و دیموکراتیکە

- ڕەتکردنەوەی دەستتێوەردان لە ژینگە و شێواندنی ژینگە و خولقاندنی مەترسیەکانی ژیانی داهاتوی نەتەوەکانی ئێران و کاولکردنی وڵات

- ڕەتکردنەوەی هەرجۆرە سیاسەتێکی ماسکۆلینیستی و پاتریاریکی و دژە ژن لە ئێران و کوردستاندا

- کەڵکوەرگرتن لە هێز و داینامۆی گەنجان لە بەڕێوەبردنی وڵات و نوێگەرایی و بەردەوامبوون لە ڕەوتی گۆڕانکارییەکانی سەردەم و هاوئاهەنگبوون لە گەڵ گۆڕانکارییەکان کە زۆرینەی کات گەنجان دەیخولقێنن.

10- دژی هەرجۆرە سیاسەتێکی ڕەگەزپەرەستانە و قووڵکردنەوەی جیاوازییەکانی نێوان گەلان و نەتەوەکانە

11- دژی هەرجۆرە سیاسەتێکە کە دەبێتە هۆ خولقاندنی نایەکسانیی کۆمەڵایەتی و سیاسی و ئابووری و ستەمی چینایەتی و فراوانکردنی مەودای نێوان چینە کۆمەڵایەتییەکان و هەوڵدان بۆ نەهێشتنی مەودای نێوان چینەکان و کەمکردنەوەی جیاوازییە چینایەتییەکان بۆ خولقاندنی کۆمەڵگەیەکی دادپەروەر و سیستەمێکی دادگەر.

لە ساڵیادی پانزەهەمین ساڵی دامەزراندنی یەکێتی دیموکراتی کوردستان، وێڕای پێداگری لە سەر ستراتیژی سیاسی و کار و خەباتی سیاسیمان، پێداگرین لە سەر گەیشتن بە ئامانجە نەتەوەییەکانمان و بەردەوام دەبین لە کار و خەباتمان بە گڕ و تینێکی فراوانتر لە هەلوومەرجێکی جیهانیدا کە گۆڕانکاریی فراوانی سیاسی و کلتووریی تێدا ڕوو دەدات و ئەم ساڵیادە لە خۆمان و هەموو هاودید و هەڤاڵان و گەلەکەمان پیرۆز دەکەین و هیواخوازی گەیشتن بە ئاوات و ئامانجە ڕەواکانی نەتەوەکەمانین.

پیرۆز بێت ساڵیادی دامەزراندنی یەکێتیی دیموکراتی کوردستان

کۆئۆردیناسیۆنی یەکێتیی دیموکراتی کوردستان

١٩/٥/٢٠٢٠



بۆچوونه‌کان
بۆچوون بنووسه‌

ناو:  

ئیمه‌یل:  

تێکستی کۆمێنته‌که‌ت  
ژماره 62
بڵاوکراوه‌یه‌کی سیاسی گشتییه، ئۆرگانی ڕاگه‌یاندنی یه‌کێتی دیموکراتی کوردستان ده‌ریده‌کات‌
01 02 03 04 05 06 07 08 09 10 11 12
ووتاری کوردی
پەیامی پیرۆزبایی پانزەهەمین ساڵیادی دامەزراندنی یەکێتیی دیموکراتی کوردستان
پە‌یامی یه‌كێتیی دیموكراتی كوردستان به‌ بۆنه‌ی ڕۆژی جیهانی كرێكار
مافی کۆپی کردن پارێزراوه‌ بۆ سایتی یه‌کێتی دیموکراتی کوردستان 2009 ده‌سپێک l هه‌واڵ l بۆنه‌ و ڕێوڕه‌سم l کۆمیته‌کان l خه‌باتی ئاشتیخوازانه‌ l ئه‌رشیف l ڤیدیۆ l په‌یوه‌ندی